Sad Shayari ( Urdu , English , Hindi )

Sad Shayari 

"Sad Shayari" or dard shayari section of this site is a concept to share the pain of thought about broken heart in love. So don't waste your thoughts and shayaris but share them with us so that world can see your thinking and truly in your way. We provide a platform where you can share your shayaris with world and we encourage all types of sad poetry in different

Bezubaan Mohabbat
Meri mohabbat bezubaan hoti rahi
Dil ki dhadkanein apna wazood khoti rahi
Koyi nahin aaya mere dukh ke kareeb
Ek baarish thi jo mere sath roti rahi

Paani Ki Ek Boond

Humse bichhad ke wahan se paani ki ek boond bhi na nikli
Tamaam umra jin aankhon ko hum jheel kehte rahe.

Kaatil Nahi Milte

Jab jaan pyari thi tab dushman hazaron the,
Ab marne ka shauk hai to kaatil nahi milte.

Ek Silsile Ki Ummeed

Ek silsile ki ummeed thi unse
Wohi faasle badhaate gaye
Hum to paas aane ki koshish mein the
Na jaane kyun woh humse dooriyan badhaate gaye.



Ab To Aap Ke Liye
Ab to aap ke liye ajnabi hum ho gaye hain
Baaton ke silsile bhi kam ho gaye hain
Khushiyon se zyada gham ho gaye hain
Kya pata yeh waqt bura hai ya bure hum ho gaye hain

Dil Aakhir Tu Kyun Rota Hai

Jab jab dard ka baadal chhaya
Jab gham ka saya lehraya
Jab aansu palkon tak aaya
Jab yeh tanha dil ghabraya
Humne dil ko yeh samjhaya
Dil aakhir tu kyun rota hai?
Duniya mein yun hi hota hai
Yeh jo gehre sannate hain
Waqt ne sabko hi baante hain
Thoda gham hai sabka kissa
Thodi dhoop hai sabka hissa
Aankh teri bekar hi namm hai
Har pal ek naya mausam hai
Kyun tu aise pal khota hai
Dil aakhir tu kyun rota hai.